منتدى اقتصاد حماة
نـثر مـرورك في الــدرب زهـراً وريحانـا . . . وفاح عبــق اســــمك بوجـودك الفتــانـــا

فإن نطقت بخيـر فهو لشخصك إحسانا . . . وإن نطقت بشر فهو على شخصك نكرانا

وإن بقيت بين إخوتك فنحـن لك أعوانـا . . . وإن غادرت فنحن لك ذاكرين فلا تنسـانــا

لماذا أخطاء الشباب طيش وأخطاء الفتيات جريمة...؟؟؟؟؟!!!!

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي اذهب الى الأسفل

لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 20/04/11, 09:22 pm

تذكير بمساهمة فاتح الموضوع :

لماذا أخطاء الشباب طيش ... وأخطاء الفتيات جريمة ...



في ارتكاب الأخطاء !!.


نجد المجتمع يفرق بين الشاب و الفتاة
فإذا ما تم ضبط شاب وفتاة في وضع مخل أو وضع غير ذلك في مكان خاص أو عام .
نرى الشاب يحصل على البراءة في فترة وجيزة , ويتغاضى المجتمع عن خطئه ويتناساه .



ونرى الشاب يواصل حياته وكأن شيئا لم يكن .
على الجانب الأخر ,يتعامل المجتمع مع البنت المخطئة على أنها مجرمة ؟؟!!
أو منحرفة , فهي أخطأت في حق نفسها ,أسرتها ومجتمعها
ونجد الكل في حالة ترقب للنيل منها .
والحكم عليها بالإعدام , وتصبح منبوذة طيلة حياتها
حتى فرصتها في الزواج تقل وقد تنعدم بعد أن تسقط
من حسابات أي شاب يرغب و يسعى للزواج .



وأنا لا أعني بكلامي هذا أن يتغاضى الإنسان عن أخطاء
البشر سواء كان شاب أو فتاه ولكن يجب أن يعطى الإنسان
فرصه أخرى بحياته ولكني اعني الرحمة والرفق بالفتاة



فإن كان الله وهو خالق كل شي و فوق كل شي جل وعلا


يرضى ويغفر ويسامح الكافر الذي عمل وعمل ما يحلو له من ذنوب بعد توبته

....



فلماذا نحن البشر لا نستطيع أن نصفح ونجدد البسمة في حياة ناس ماتوا وهم أحياء..؟؟؟!!


فهل من العدل تحتمل الفتاة وحدها هذا الوزر وتدفع ثمن خطأها طول العمر ........؟؟؟
وهل نطلق العنان للشاب لكي يجرب .
لكي يخطئ بحجة "الطيش " والنزوات..
وما هي مسئولية المجتمع ؟؟؟


أتمنى معرفة رأيكم في الموضوع وفي اعتقادكم هل الفتاه في مجتمعنا لا يغفر لها أبدا ؟؟ وهل انتم من المؤيدين ؟؟


لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل


رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 13/07/11, 11:02 pm

Lolita1993 كتب:الموضوع راااااااائع لوليا
بس شوبدنا نعمل هيك مجتمعنا
بفرق بين الشب والبنت بكلشي
مو بس من ناحية الأخلاق والشرف حتى بالتصرف يعني مثلاً تخيلو البنت أول ما تجي من جامعتها بتستقبلها العيلة بكلمات رائعة ليش لهلأ (حتى لو مو متأخرة) فوتي ركني غرفتك ليش ما رتبتي تختك قبل ما تطلعي صرتي طول اللوح ولهلأ بدك أياني كون مسؤولة عنك
أخوكي بدو هل الغرض قومي جيبيه
وإذا فكرتي تقولي ليش هو مايجيبو الجواب المعتاد هو شب بدنا نتحملووووووووووووو

حجابك أغسليه ما بينحط هون كتبك رتبيها خزانتك مابدي لاقي كركوبه فيها وهكذااااااااااااااااااا


أما الشب أول مابيجي
البنطلون بغرفة والكنزة بغرفة الجرابات ممكن يوصلو للثريا عادي بفوت وزير وبيطلع ملك أول ما يفوت بدييييييييي غدا وين الأكل أف ع هل العيشة جيبولي هل الغرض أعطوني هالكنزة ,امو ما بتقلو غير يا عيني ويا تقبرني لكن ما هو سندها
التفرقة بمجتمعنالا شي متأصل وعائد لألاف السنين وقد ما حكينا ما رح نستفيد شي أفضل شي نتأقلم ونسكت

أسفة لأني طولت بس هل الموضوع جالطني

شكراً لأنكم تحملتوني

هههههه ولو لوليتا انتي نورتي الموضوع بمرورك
مع إنو استنتجت من خلال الردود إنو حتى الشباب مو عاجبن هالشي
لإنو في ظلم ...واتباع لعادات وتقاليد بالية
يعني حتى لو ما قدرنا نعمل شي حاليا ...نحنا هلأ حكينا وتناقشنا بالموضوع
يعني عملنا خطوة...
والجيل يلي بعدنا بيعمل خطوة...وهكذا

لوليا
اقتصادي فضي
اقتصادي فضي

عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف Lolita1993 في 14/07/11, 02:29 am

هههههه ولو لوليتا انتي نورتي الموضوع بمرورك
مع إنو استنتجت من خلال الردود إنو حتى الشباب مو عاجبن هالشي
لإنو في ظلم ...واتباع لعادات وتقاليد بالية
يعني حتى لو ما قدرنا نعمل شي حاليا ...نحنا هلأ حكينا وتناقشنا بالموضوع
يعني عملنا خطوة...
والجيل يلي بعدنا بيعمل خطوة...وهكذا


تسلميلي يا لوليا

أنشالله خطوة ورا خطوة بيمشي الحال

Lolita1993
اقتصادي فضي
اقتصادي فضي

انثى
السنة الدراسية : السنة الثانية
نبذة عنك : عش كيفما شئت فأنت ميت وأحبب من شئت فأنت مفارقه وأعمل ما شئت فأنت مجزي عليه
مكان الإقامة : حمص
العمر : 23
عدد الرسائل : 1184

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 14/07/11, 05:02 am

Lolita1993 كتب:
هههههه ولو لوليتا انتي نورتي الموضوع بمرورك
مع إنو استنتجت من خلال الردود إنو حتى الشباب مو عاجبن هالشي
لإنو في ظلم ...واتباع لعادات وتقاليد بالية
يعني حتى لو ما قدرنا نعمل شي حاليا ...نحنا هلأ حكينا وتناقشنا بالموضوع
يعني عملنا خطوة...
والجيل يلي بعدنا بيعمل خطوة...وهكذا


تسلميلي يا لوليا

أنشالله خطوة ورا خطوة بيمشي الحال

ان شاء الله لوليتي ...
ونووووورتي مرة تانية

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف besso في 14/07/11, 11:03 pm

موضوع حساس كتير بس حلو بنفس الوقت وبدو جرأة لحتى ينطرح بس الواقع الشرقي بقول انو البنت الشرقية متل لوح الزجاج اذا حدث في خدش مستحيل يتصلح لهيك بتحمل الذنب هي بس مو مع الشب المشكلة انو هيك تربينا بس كمان يمكن لأن عقل وتفكيرها بينضج قبل الشب لهيك بتكون افعالها مسؤولة عنها اكتر والدليل انو البنت ممكن تتزوج بعمر ال13 سنة بينما الشب ع الأقل بدو لل 18 اذا مو 25

besso
اقتصادي نشيط
اقتصادي نشيط

ذكر
السنة الدراسية : السنة الثانية
نبذة عنك : اقتصادي صغير
مكان الإقامة : موطني
العمر : 23
عدد الرسائل : 171

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 15/07/11, 01:42 am

besso كتب: موضوع حساس كتير بس حلو بنفس الوقت وبدو جرأة لحتى ينطرح بس الواقع الشرقي بقول انو البنت الشرقية متل لوح الزجاج اذا حدث في خدش مستحيل يتصلح لهيك بتحمل الذنب هي بس مو مع الشب المشكلة انو هيك تربينا بس كمان يمكن لأن عقل وتفكيرها بينضج قبل الشب لهيك بتكون افعالها مسؤولة عنها اكتر والدليل انو البنت ممكن تتزوج بعمر ال13 سنة بينما الشب ع الأقل بدو لل 18 اذا مو 25

معك حق بيسو بخصوص إنو البنت بتنضج قبل الشب...
بس هالشي ما ببرر إنو هيي لازم تتحمل مسؤوولية تصرفاتها بس الشب لأ..
يعني إذا العادات والتقاليد بتفرض علينا هالشي
بس الشرع والدين ما بيقبل بالظلم ...
ومشكوووور لمرورك...
نوووورت....

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف أسير الصمت في 10/09/11, 08:42 pm

هلا لكل مجتمع عادات وتقاليد والكل لازم يلتزم فيها

ولكن هاد ما يعني انها لو كانت خطأ

متل مافي عادات سيئه او باليه وهي لازم نتخلص منها كمان في عادات اساسيه ولازم نتمسك فيا

بلا هلا في شي بقول الطبع يغلب التطبع فاذا كان الغلط من طبع الشب او البنت فها مابينغفر
بس اذا كان من التطبع فها اكيد رح يرجع لطبعو

فكرة الغلط الغلط مكتوب على الجميع وفي ايه قرأنيه بتشير على هالشي
ماني حافظها بس بما معناه : جعلنا الانسان خطائا

وطبعا انا مع انو الواحد يسامح والطرفين كمان من باب المساواة بالحكم

لان الله عزوجل يحثنا ويريدنا ان نكون عادلين ومقسطين

واقسطوا ان الله يحب المقسطين
صدق الله العظيم


والحديث في هاد المجال كتير كبير ومابيخلص

وهاد يلي طلع معي هلا

بتمنى تتقبلي رأي

والك جزير الشكر على الموضوع الحساس ويلي عم نعاني منه بمجتمعنا

تحياتي

أسير الصمت
اقتصادي ماسي
اقتصادي ماسي

ذكر
* وسام النشاط لعام 2010
السنة الدراسية : السنة الثالثة
نبذة عنك : إن صمتي لآ يعني جهلي بمآ يدور حولي ولكن .. ما يدور حولي لآ يستحق الكلآم
هوايتك : هوايتي هي البحث عن هواية
مكان الإقامة : مدينة ابي الفداء
العمر : 29
عدد الرسائل : 12018

http://www.economy-junction.nice-forum.com

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 20/09/11, 07:05 pm

أسير الصمت كتب:
هلا لكل مجتمع عادات وتقاليد والكل لازم يلتزم فيها

ولكن هاد ما يعني انها لو كانت خطأ

متل مافي عادات سيئه او باليه وهي لازم نتخلص منها كمان في عادات اساسيه ولازم نتمسك فيا

بلا هلا في شي بقول الطبع يغلب التطبع فاذا كان الغلط من طبع الشب او البنت فها مابينغفر
بس اذا كان من التطبع فها اكيد رح يرجع لطبعو

فكرة الغلط الغلط مكتوب على الجميع وفي ايه قرأنيه بتشير على هالشي
ماني حافظها بس بما معناه : جعلنا الانسان خطائا

وطبعا انا مع انو الواحد يسامح والطرفين كمان من باب المساواة بالحكم

لان الله عزوجل يحثنا ويريدنا ان نكون عادلين ومقسطين

واقسطوا ان الله يحب المقسطين
صدق الله العظيم


والحديث في هاد المجال كتير كبير ومابيخلص

وهاد يلي طلع معي هلا

بتمنى تتقبلي رأي

والك جزير الشكر على الموضوع الحساس ويلي عم نعاني منه بمجتمعنا

تحياتي


يا هلا اسير الصمت

نووووورت بمرورك وبرأيك

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف RAGHEB في 20/09/11, 08:26 pm

كلام جميل بس خلينا نفكر شوي

وبما انو الموضوع جريأ انا بدي احكي بجرأة


عن اي نوع من الأخطاء عم نحكي

من الناحية الشرعية فالمعاملة وحدة هي من ناحية



واذا بدنا نحكي بصراحة اذا شافو شب قاعد مع بنت بقهوة مثلا" فمعالجة الموضوع بترجع لنوع العائلة

يعني يمكن اهل البنت يتصرفو معها بقسوة ويمكن ينبهوها اويطلبو منها انو تخلي الشب يشرف يطرق الباب اذا كانو بحبو بعض ويمكن ما يحكوها شي بالمرة ويمكن كمان تكون البنت مخبرة اهلة انو انا رايحة مع الشب الفلاني يعني حسب البيئة وحسب الأهل



اما بالنسبة للشب فعادي يقعد مع بنت لأنو عنا فكرة انو الشب ما بينخاف عليه

طبعا" هي الفكرة غلط



بس خلينا نفكر شوي

هلأ انت عم تقولي انو البنت يمكن يدمر مستقبلها من خطأ

وانا بقلك بصراحة الموضوع مو بهل بساطة يعني مو من خطأ بسيط بيدمر مستقبل البنت

البنت بيدمر مستقبلها من فضيحة

وبظن انو قصدي مفهوم

اما بالنسبة للشب فمين قلك انو في بنت محترمة بترضا تاخد شب صايع وكل يوم نايم مع وحدة

يعني الشب اذا طلع عليه سيط عاطل فمافي بنت عائلة بترضا فيه بس المشكلة انو طبيعة الشب ما ببان عليه لأنو ما بيتغير هي من جهة ومن جهة تانية انو مو ممكن يصير معو مضاعفات يعني مثل الحمل والنزيف على سبيل المثال وهي طبيعة خلق الله الناس عليها

ومن جهة ثانية الشب عندو حرية بالحركة حتى بعد الزواج ناتجة عن المجتمع اولا" وناتجة عن انو الشب في الأغلبية العظمى هوي المسؤوول عن نفسو ماديا" واغلب الأحيان البنت بتكون مكفولة من الأهل ومن الزوج حتى بعد الزواج

وبالنهاية الشب والبنت لازم يحافظو على حالن ومافي شي ببرر الغلط مهما حاولنا الغلط غلط



وشكرأ للموضوع

RAGHEB
اقتصادي فضي
اقتصادي فضي

ذكر
السنة الدراسية : السنة الرابعة
نبذة عنك : أكثر ما أفتخر فيه هو أن دمائي خليط بين مدينتين...حماة الفداء وحمص العدية
مكان الإقامة : حماة
العمر : 25
عدد الرسائل : 687

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 26/09/11, 09:17 am

RAGHEB كتب:كلام جميل بس خلينا نفكر شوي

وبما انو الموضوع جريأ انا بدي احكي بجرأة


عن اي نوع من الأخطاء عم نحكي

من الناحية الشرعية فالمعاملة وحدة هي من ناحية

صح هالكلام بس في كتير ناس ما بطقو الشرع غير ع كيفن ومتل ما بيفهمو

يعني بياخدو يلي بدن ياه من الدين والشرع

واذا بدنا نحكي بصراحة اذا شافو شب قاعد مع بنت بقهوة مثلا" فمعالجة الموضوع بترجع لنوع العائلة

يعني يمكن اهل البنت يتصرفو معها بقسوة ويمكن ينبهوها اويطلبو منها انو تخلي الشب يشرف يطرق الباب اذا كانو بحبو بعض ويمكن ما يحكوها شي بالمرة ويمكن كمان تكون البنت مخبرة اهلة انو انا رايحة مع الشب الفلاني يعني حسب البيئة وحسب الأهل

اي معك حق ...

اما بالنسبة للشب فعادي يقعد مع بنت لأنو عنا فكرة انو الشب ما بينخاف عليه

طبعا" هي الفكرة غلط

مية بالمية

بس خلينا نفكر شوي
يلا
هلأ انت عم تقولي انو البنت يمكن يدمر مستقبلها من خطأ
اي صح
وانا بقلك بصراحة الموضوع مو بهل بساطة يعني مو من خطأ بسيط بيدمر مستقبل البنت
امبلا ببساطة
البنت بيدمر مستقبلها من فضيحة
مو شرط ... في كتير ناس بتاخد قصة صغيرة وبتعمل منا قصص

وانا ما عم برر انو تغلط البنت ابدا

بالعكس انا ضد ... بس انا عم قول انو اذا القرآن والدين بقولوا

انو ما في فرق منجي نحنا بدنا نفرق ..؟؟

يعني في اخطاء صغيرة البنت بتتعاقب عليا .. بس بالنسبة للشب تعتبر امر عادي

وهيي خطا بالنسبة للتنين .. بس هيك مجتمعنا بشوف وهيك عادتنا وتقاليدنا بتقول
وبظن انو قصدي مفهوم

اما بالنسبة للشب فمين قلك انو في بنت محترمة بترضا تاخد شب صايع وكل يوم نايم مع وحدة

يعني الشب اذا طلع عليه سيط عاطل فمافي بنت عائلة بترضا فيه بس المشكلة انو طبيعة الشب ما ببان عليه لأنو ما بيتغير هي من جهة ومن جهة تانية انو مو ممكن يصير معو مضاعفات يعني مثل الحمل والنزيف على سبيل المثال وهي طبيعة خلق الله الناس عليها
يا عيني عليك ... هون كلامنا انو يا سيدي تعا اعطيك مثال ... واحد متزوج بخون مرتو لازم المرة تسامح لانو شي طبيعي الرجل يخون وخصوصي اذا تاب

اما اذا مرةخانت زوجا فيا لطيييييييف اي ما بضل كلمة وما بتنقال عنا واذا بتطبق السما ع الارض مستحيل ترجع لزوجا

وليك اوعا تفكر انو انا عم شجع هالفكرة او معا اوشي ... ابدا انا ضد الخيانة من الطرفين طبعا

بس كنت حابة وضحلك بمثال بسيط

انو ليش هوي لما بيغلط من البديهي يتوب وتسامحو ... وهيي اذا غلطت بتكون تووووووت يعني هاد كمان ظلم
ومن جهة ثانية الشب عندو حرية بالحركة حتى بعد الزواج ناتجة عن المجتمع اولا" وناتجة عن انو الشب في الأغلبية العظمى هوي المسؤوول عن نفسو ماديا" واغلب الأحيان البنت بتكون مكفولة من الأهل ومن الزوج حتى بعد الزواج

وبالنهاية الشب والبنت لازم يحافظو على حالن ومافي شي ببرر الغلط مهما حاولنا الغلط غلط
اي والله وانا هاد كلامي ... الغلط غلط سواء كان من قبل البنت او الشب

بضل اسمو غلط

وانا هاد يلي حابة وصّلو



وشكرأ للموضوع



وشكرا لمرورك راغب

نوووووورت ...

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف RAGHEB في 16/10/11, 05:17 pm

المهم وصلنا لنتيجة لوليا بس انا شايف انو المجتمع عم يتغير والبنات صارو اخدات راحتن عل اخر يعني صايرين حتى تلطليش عم بلطشو مشان هيك انا لساتني مصر على انو البنت مو من شغلة بسيطة بيدمر مستقبله انتي عم تحكي على زمن باب الحارة ورح اشرحلك هل شي بجوز بنت بتحكي مع شباب يمكن ما يطلبها شخص من عائلة محافظة بس اكيد غير عوائل مارح يكون عندهم مانع اما البنت يلي بتنفضح فهي الحالة الوحيدة يلي ما بيطلبها حدا تقريبا" هي شغلة والشغلة التانية انتي عم تقولي انو البنت عرضة للقيل والقال اكتر من الشب هادا شي انا معك فيه تمام بس بقول المتل امشي عدل يحتار عدوك فيك بعدين يلي بيعتقد انو الشب ما بينحكي عليه فبكون غلطان وان كان البنت عرضة لمخاطر القيل والقال فالشب كمان اذا عاش حياة مفلوتة تماما" من أي رادع ديني او اخلاقي فأكيد رح يكون بخطر المرض والأدمان ورح يدمر مستقبلو كمان وبالنسبة للخيانة الزوجية فما بظن متل ما عم تحكي انو الزوجة بتسامح زوجها بسهولة اذا سبت لها خيانته هادا كلام بصراحة مو منطقي ولو كان هل كلام صحيح كني شفتي كل الرجال تزوجو على زوجاتهم يعني اذا رح تسامح بسهولة فشو المانع بهذه الحالة حتى لو كان زوجتو هيي حبيبتو الوحيدة وبموت فيها رح يتجوز عليها لأشباع غريزتو لأنو الغريزة الجنسية غريزة حيوانية لا ترتبط دائما" بالعواطف







وشكرا" لوليا على هذا الموضوع الجريئ

RAGHEB
اقتصادي فضي
اقتصادي فضي

ذكر
السنة الدراسية : السنة الرابعة
نبذة عنك : أكثر ما أفتخر فيه هو أن دمائي خليط بين مدينتين...حماة الفداء وحمص العدية
مكان الإقامة : حماة
العمر : 25
عدد الرسائل : 687

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 16/10/11, 10:17 pm

RAGHEB كتب:المهم وصلنا لنتيجة لوليا بس انا شايف انو المجتمع عم يتغير والبنات صارو اخدات راحتن عل اخر يعني صايرين حتى تلطليش عم بلطشو مشان هيك انا لساتني مصر على انو البنت مو من شغلة بسيطة بيدمر مستقبله انتي عم تحكي على زمن باب الحارة ورح اشرحلك هل شي بجوز بنت بتحكي مع شباب يمكن ما يطلبها شخص من عائلة محافظة بس اكيد غير عوائل مارح يكون عندهم مانع اما البنت يلي بتنفضح فهي الحالة الوحيدة يلي ما بيطلبها حدا تقريبا" هي شغلة والشغلة التانية انتي عم تقولي انو البنت عرضة للقيل والقال اكتر من الشب هادا شي انا معك فيه تمام بس بقول المتل امشي عدل يحتار عدوك فيك بعدين يلي بيعتقد انو الشب ما بينحكي عليه فبكون غلطان وان كان البنت عرضة لمخاطر القيل والقال فالشب كمان اذا عاش حياة مفلوتة تماما" من أي رادع ديني او اخلاقي فأكيد رح يكون بخطر المرض والأدمان ورح يدمر مستقبلو كمان وبالنسبة للخيانة الزوجية فما بظن متل ما عم تحكي انو الزوجة بتسامح زوجها بسهولة اذا سبت لها خيانته هادا كلام بصراحة مو منطقي ولو كان هل كلام صحيح كني شفتي كل الرجال تزوجو على زوجاتهم يعني اذا رح تسامح بسهولة فشو المانع بهذه الحالة حتى لو كان زوجتو هيي حبيبتو الوحيدة وبموت فيها رح يتجوز عليها لأشباع غريزتو لأنو الغريزة الجنسية غريزة حيوانية لا ترتبط دائما" بالعواطف

ليك راغب انا ما عم احكي عن الفضايح الكبيرة ... انا عم احكي بشكل عام يعني فيك تنكر انو مجتمعنا مو ذكوري ..؟؟

يعني اي قضية مهما كانت صغيرة نظرة المجتمع فيا للرجل غير المرأة دايما بضل في تطرف للرجل

وانا ما بنكر انو في نسبة قليلة من المجتمع قدروا يتخلصوا من هالنظرة بس نظرة المجتمع الن انو هنن فئة شاذة عن الباقين عرفت كيف

وبرجع بقلك انو انا ضد الغلط سواء كانت البنت او الشب ...



واكيد المجتمع تغير كتير عن قبل وصار في وعي وثقافة عند الناس

صار الدين يتطبق عن فهم ووعي عند نسبة منيحة من الناس

بس للاسف لسا في كتير ناس عندن فهم خاطئ للدين

وبفسروا الامور ع كيفن ومن منظورن

ويا اخي اذا بدك حتى في ناس مثقفين عندن هي النظرة الخاطئة

وانا متاكدة يلي بيتعمق بالدين وبيفهموا ع اصولو مارح يكون عندو هالنظرة











وشكرا" لوليا على هذا الموضوع الجريئ

ولو يعني اذا ما نحنا الشباب طرحنا هيك مواضيع وتناقشنا فيا

كيف بدنا نرتقي بأفكارنا

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف عبد لله في 17/10/11, 03:10 pm

موضوع عجبني وحلو وفيه وجهة نظر
بس لاتنسي انه البنت خلقت لاجل هذا الشي ويلي بيتناسب مع وضعها
وقيمها وأخلاقها هلأ الشب ممكن يكون صايع وضايع بين الشوارع بس البنت ما ممكن تكون هيك رب العالمين عندما خلق أعطى لكل جنس حقه حتى في الميراث
البنت هي كالدرة اذا انكشف عنها الغطاء فسدت
تصوري لو انه بائع صيغة واقف وعم يبيع ذهب ع البسطة والكل رايح وجاي عم يقلب بأيده هل القطع هيك هوي معرض للسرقة ومحط أنظار لجميع الناس
لذلك بائع الذهب يضع القطع داخل زجاج وعلب ليحفظ هذه القطع الثمينة وكذالك الفتاة فهي قطعة ثمينة يجب المحافظة عليها وعدم كشف الغطاء عنها يجب ان تكون مصونة وإلا أصبحت لا قيمة لها فهي خلقت لتبقا في بيتها وتربي أولادها وتخدم زوجها
ولا تقليلي نحن صرنا بعصر التحرر الفكري
ولازم المرأة تطلع وتروح وتساوي كلشي بعيدا عن نظر من يخاف عليها
أنا بسميه عصر الفلتان اللا أخلاقي
ويعني ساعة الماما بتشد على أيد البنت أكيد بدها مصلحتها ما بدها تعذبها
....................
وأسف على الاطالة


عبد لله
اقتصادي جديد
اقتصادي جديد

ذكر
السنة الدراسية : السنة الرابعة
نبذة عنك : نحن نتعامل مع القلوب لا مع الابدان
هوايتك : أحب الشعر والرسم
مكان الإقامة : حمص
العمر : 27
عدد الرسائل : 19

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف RAGHEB في 17/10/11, 03:47 pm

شوفي لوليا انا ما بدي طول معك بالنقاش مشان ما ديق خلقك وخلق الاعضاء بس انا كل يلي حابب قلك ياه انتي وغيرك من الصبايا يلي ردو انو اذا كنتو مفكرين انو الشب مرتاح اكتر من البنت فهي بحد ذاتها كفرية لانو هاد الحكي يعني انكن انانيين وعم تطلعو عل موضوع من جهة وحدة لوليا انا على الرغم من انو حسابي بالمنتدى بأسمي والشباب كلن بيعرفوني بالكلية بس انا مع هل شي بدي احكيلك تجربتي الشخصية لانو فكرتي مارح توصل الا هيك

انا كم عمري كل عمري 21 سنة بتعرفي كم شغلة اشتغلت بحياتي اشتغلت سكرتير واشتغلت مراقب دوام بمحل البسة واشتغلت بمكتبة واشتغلت مندوب مبيعات لبطاقات انترنيت واشتغلت مندوب مبيعات للأدوات الطبية وكنت دور حماة كلها من دكتور لدكتور بل اخير ما اطلع بشي لانو اغلب الداكاترة بيتعاملو مع نفس المصدر يلي انا كنت بتعامل معو يعني نسبة الربح صفر واشتغلت بانترنيت كافيه بتعرفي ليش ؟ لانو انا المجتمع بيفرض عليي اني طلع مصروفي انا ابوي مهندس بس على قد حالو ماعنا ممتلكات ولا مزارع وبيتنا يلي عايشين فيه بالأصل للأوقاف يعني عم ندفع ايجار ولو كان بسيط كان لازم ساعد أهلي ولو اني غطي مصروفي على الاقل وانا ما حسنت اعمل اكتر من هيك لانو كل هل شغلات يلي زكرتلك ياهن اكبر مبلغ حصلت عليه هو 5000 شهريا" بينما اختي ابويي بيعطيها مصروف لأنها بنت وبحياتي ما فكرت اشتكي او افتح المنتدى واكتب انو والله لحنا الشباب مظلومين لانو بظنك بتعرفي انو هي مو حكايتي هي حكايت كل الشباب

انتي لما تفكري بمستقبلك انتي وكل البنات بتوقفي عل المراية وبتحلمي بفارس احلامك يلي بدو يدق باب بيتك وياخدك وتكملي معو العمر عل حلوة ول مرة وانا متأكد انك انتي بتكوني مبسوطة لما بتفكري هيك

اما انا ومتلي متل هل شباب لما بفكر بمستقبلي بطق فتاش براسي وبقول يالله انا كيف ممكن اتجوز قبل ما يصير عمري 90 سنة شلون ؟ اذا ما عندي بيت ولا عندي شي بالمرة لوفرضنا اني توظفت بعد الجامعة بعشرين الف ليرة (هي على الرغم من تفائل الفرضية ) كم سنة بدي اقعد حتى جمع حق بيت و دهب وشبكة ومهر و مدري شو كم سنة لازم اقعد بالخليج يالله شو لازم انا اعمل

قولي كمان انو هل شغلات مو مطلوبة من الشب

يا لوليا الشب عليه ضغوط والبنت عليها ضغوط بس بشكل مختلف ومافي حدا مرتاح اكتر من التاني ويلي بقول غير هيك بكون اعمى لأن هادا هوي الواقع يلي بيعرفو الكل

كل واحد عندو مشاكل وضغوط شب كان او بنت بتختلف هل ضغوط بالنوع وبالصعوبة من طبقة اجتماعية لطبقة اجتماعية بشكل او بأخر وبشكل عام الشباب وخصوصا" الشباب العربي مو مرتاح ابدا" ابدا" وشكرا" مرة تالتة على موضوعك الحلو

RAGHEB
اقتصادي فضي
اقتصادي فضي

ذكر
السنة الدراسية : السنة الرابعة
نبذة عنك : أكثر ما أفتخر فيه هو أن دمائي خليط بين مدينتين...حماة الفداء وحمص العدية
مكان الإقامة : حماة
العمر : 25
عدد الرسائل : 687

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 17/10/11, 04:43 pm

عبد لله كتب:موضوع عجبني وحلو وفيه وجهة نظر
بس لاتنسي انه البنت خلقت لاجل هذا الشي ويلي بيتناسب مع وضعها
وقيمها وأخلاقها هلأ الشب ممكن يكون صايع وضايع بين الشوارع بس البنت ما ممكن تكون هيك رب العالمين عندما خلق أعطى لكل جنس حقه حتى في الميراث
البنت هي كالدرة اذا انكشف عنها الغطاء فسدت
تصوري لو انه بائع صيغة واقف وعم يبيع ذهب ع البسطة والكل رايح وجاي عم يقلب بأيده هل القطع هيك هوي معرض للسرقة ومحط أنظار لجميع الناس
لذلك بائع الذهب يضع القطع داخل زجاج وعلب ليحفظ هذه القطع الثمينة وكذالك الفتاة فهي قطعة ثمينة يجب المحافظة عليها وعدم كشف الغطاء عنها يجب ان تكون مصونة وإلا أصبحت لا قيمة لها فهي خلقت لتبقا في بيتها وتربي أولادها وتخدم زوجها
ولا تقليلي نحن صرنا بعصر التحرر الفكري
ولازم المرأة تطلع وتروح وتساوي كلشي بعيدا عن نظر من يخاف عليها
أنا بسميه عصر الفلتان اللا أخلاقي
ويعني ساعة الماما بتشد على أيد البنت أكيد بدها مصلحتها ما بدها تعذبها
....................
وأسف على الاطالة


اهلين فيك عبدالله مرورك أحلا

هلأ بالنسبة للكلام يلي حكيتو انت بعدت كتير عن الفكرة

يلي انا عم احكي عنا

بعدين هالعبارة لفتت نظري بس لاتنسي انه البنت خلقت لاجل هذا الشي ويلي بيتناسب مع وضعها
وقيمها وأخلاقها هلأ الشب ممكن يكون صايع وضايع بين الشوارع بس البنت ما ممكن تكون هيك رب العالمين عندما خلق أعطى لكل جنس حقه حتى في الميراث



مين قال هيك من وين جبت هالحكي ..؟؟ الدين قال انو البنت خلقت هيك انو بتتحاسب والشب خلق هيك وما لازم يتحاسب ؟؟!!

ما حدا بحقلو يكون صايع وضايع لا الشب ولا البنت

ما بعرف ...انا قلتا كتير وبرجع بعيدا البنت يلي بتغلط وشو ما كان نوع الغلط لازم تتحاسب

بس كمان الشب نفس الشي انا هي هيي كل فكرتي

وما قصدت ابدا انو لازم البنت ما تتحاسب متل الشب بالعكس

تماما انا قصدت انو اللي بيغلط لازم يتحاسب بغض النظر عن الجنس

وشكرا كتير لمرورك ونووووورت

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 17/10/11, 05:00 pm

RAGHEB كتب:شوفي لوليا انا ما بدي طول معك بالنقاش مشان ما ديق خلقك وخلق الاعضاء بس انا كل يلي حابب قلك ياه انتي وغيرك من الصبايا يلي ردو انو اذا كنتو مفكرين انو الشب مرتاح اكتر من البنت فهي بحد ذاتها كفرية لانو هاد الحكي يعني انكن انانيين وعم تطلعو عل موضوع من جهة وحدة لوليا انا على الرغم من انو حسابي بالمنتدى بأسمي والشباب كلن بيعرفوني بالكلية بس انا مع هل شي بدي احكيلك تجربتي الشخصية لانو فكرتي مارح توصل الا هيك

انا كم عمري كل عمري 21 سنة بتعرفي كم شغلة اشتغلت بحياتي اشتغلت سكرتير واشتغلت مراقب دوام بمحل البسة واشتغلت بمكتبة واشتغلت مندوب مبيعات لبطاقات انترنيت واشتغلت مندوب مبيعات للأدوات الطبية وكنت دور حماة كلها من دكتور لدكتور بل اخير ما اطلع بشي لانو اغلب الداكاترة بيتعاملو مع نفس المصدر يلي انا كنت بتعامل معو يعني نسبة الربح صفر واشتغلت بانترنيت كافيه بتعرفي ليش ؟ لانو انا المجتمع بيفرض عليي اني طلع مصروفي انا ابوي مهندس بس على قد حالو ماعنا ممتلكات ولا مزارع وبيتنا يلي عايشين فيه بالأصل للأوقاف يعني عم ندفع ايجار ولو كان بسيط كان لازم ساعد أهلي ولو اني غطي مصروفي على الاقل وانا ما حسنت اعمل اكتر من هيك لانو كل هل شغلات يلي زكرتلك ياهن اكبر مبلغ حصلت عليه هو 5000 شهريا" بينما اختي ابويي بيعطيها مصروف لأنها بنت وبحياتي ما فكرت اشتكي او افتح المنتدى واكتب انو والله لحنا الشباب مظلومين لانو بظنك بتعرفي انو هي مو حكايتي هي حكايت كل الشباب

انتي لما تفكري بمستقبلك انتي وكل البنات بتوقفي عل المراية وبتحلمي بفارس احلامك يلي بدو يدق باب بيتك وياخدك وتكملي معو العمر عل حلوة ول مرة وانا متأكد انك انتي بتكوني مبسوطة لما بتفكري هيك

اما انا ومتلي متل هل شباب لما بفكر بمستقبلي بطق فتاش براسي وبقول يالله انا كيف ممكن اتجوز قبل ما يصير عمري 90 سنة شلون ؟ اذا ما عندي بيت ولا عندي شي بالمرة لوفرضنا اني توظفت بعد الجامعة بعشرين الف ليرة (هي على الرغم من تفائل الفرضية ) كم سنة بدي اقعد حتى جمع حق بيت و دهب وشبكة ومهر و مدري شو كم سنة لازم اقعد بالخليج يالله شو لازم انا اعمل

قولي كمان انو هل شغلات مو مطلوبة من الشب

يا لوليا الشب عليه ضغوط والبنت عليها ضغوط بس بشكل مختلف ومافي حدا مرتاح اكتر من التاني ويلي بقول غير هيك بكون اعمى لأن هادا هوي الواقع يلي بيعرفو الكل

كل واحد عندو مشاكل وضغوط شب كان او بنت بتختلف هل ضغوط بالنوع وبالصعوبة من طبقة اجتماعية لطبقة اجتماعية بشكل او بأخر وبشكل عام الشباب وخصوصا" الشباب العربي مو مرتاح ابدا" ابدا" وشكرا" مرة تالتة على موضوعك الحلو



حلو كتير هالكلام انا ابدا ما قلت انو الشب ما عليه ضغوط

بالعكس كلا الجنسين عليهن ضغوط ومن انواع مختلفة

بس الشي يلي حكيت عنو كان نوع من هالضغوط يلي ما بيتساوى فيا الرجل والمرأة

وطبعا انت طرحت نوع تاني من هالضغوط وانا ما بنكر انو معك حق

طيب انت برأيك انو المراة ما لازم تتحمل نفس هالأعباء يلي حكيت عنا

هلأ اكيد في نسبة لا يستهان بها من البنات عم تحمل نفس الاعباء واكيد مو بكل شي حكيت عنو

هلأ في شي نحنا ما منقدر نتجاوزو ابدا يلي هوي من عند رب العالمين

متل المهر وهالاشيا اما بالنسبة للشغل بتوقع انو كلا الجنسين بيتحمل نفس الاعباء

ويمكن لقدام الامرأة اكتر بيت وولاد وطبخ ونفخ وما بعرف شو كمان

وع كلن ما تقول نمل وما نمل وهالحكي

بالعكس انا حبيت النقاش معك

واكيد نوووووورت بمرورك وبرأيك

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف نسمة هوا في 02/11/11, 07:10 am

والله بهالايام الشباب متل المجانين بدن يجربو اي شي ولو غلط بس مشان يخوضو هالتجربة و يتعلمو منا بعد ما يوقع الفاس بالراس وحتى كتير من هالجيل اكتر لعبو بيكون عالبنات بهالايام بحجة يشوف ويستطلع عالمن او يكون حب ابدي يا اما الافندي بيكون غيران من شي واحد صاحبو يا فرحتي

وبعدين يقول انا اسف ما تاقلمت معك او ما قدرت كمل معك اعذريني و بتاكلا البنت والله مسخرة هالحكي

وعنجد بعصبوني هيك شباب بتفكر بهي الطريقة وحتى اني بحتقرن كمان

لانو بحياتو مافي شب حب من قلبووووو وهوة صاادق الا ما ندررر

والاسف عهالترباية اللي ما خلتن يعرفوا شو قيمة البنت و شو قيمة هالشي اذا صارت مشكلة بينن لانا بتعيش للاسف بكاآآآآآآبة لاخر عمرا وما رح تنسى اي شي ولا اي لحظة الم مرت فيا

والعيب على هالناس اللي مقفووووول و ما عم تعرف تفتحوا وتطلع شوي صغيرة لبرا لتعرف شو حقيقة الناس بدون مجرد النظر الن

فياااااا حييييييييييف هالمجتمع اللي كلو عقلللل ولا افظع من هيييك

وانشالله تتغير هالعقول مع الايام او نقدر نعلم جيل يفهم شوي ويقدر قيمة البنت و يحافظ عليها متل نور عيونو

بعتذررررررر طوووولت عليكن

نسمة هوا
اقتصادي نشيط
اقتصادي نشيط

انثى
السنة الدراسية : السنة الثانية
نبذة عنك : i will give you a smile instead of your tears
هوايتك : writing any thing i feel it in my life
مكان الإقامة : UAE
العمر : 23
عدد الرسائل : 200

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف الفتى النبيل في 03/11/11, 09:57 pm

كلامك درر نسمة هوا ++

الفتى النبيل
|Admin Team|
|Admin Team|

ذكر
السنة الدراسية : خريج جامعي
نبذة عنك : Green Hands forever
هوايتك : Catching VIGA Star
مكان الإقامة : Hama city
العمر : 27
عدد الرسائل : 5489

http://www.saaa-sy.org

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 08/11/11, 01:30 am

نسمة هوا كتب:والله بهالايام الشباب متل المجانين بدن يجربو اي شي ولو غلط بس مشان يخوضو هالتجربة و يتعلمو منا بعد ما يوقع الفاس بالراس وحتى كتير من هالجيل اكتر لعبو بيكون عالبنات بهالايام بحجة يشوف ويستطلع عالمن او يكون حب ابدي يا اما الافندي بيكون غيران من شي واحد صاحبو يا فرحتي

وبعدين يقول انا اسف ما تاقلمت معك او ما قدرت كمل معك اعذريني و بتاكلا البنت والله مسخرة هالحكي

وعنجد بعصبوني هيك شباب بتفكر بهي الطريقة وحتى اني بحتقرن كمان

لانو بحياتو مافي شب حب من قلبووووو وهوة صاادق الا ما ندررر

والاسف عهالترباية اللي ما خلتن يعرفوا شو قيمة البنت و شو قيمة هالشي اذا صارت مشكلة بينن لانا بتعيش للاسف بكاآآآآآآبة لاخر عمرا وما رح تنسى اي شي ولا اي لحظة الم مرت فيا

والعيب على هالناس اللي مقفووووول و ما عم تعرف تفتحوا وتطلع شوي صغيرة لبرا لتعرف شو حقيقة الناس بدون مجرد النظر الن

فياااااا حييييييييييف هالمجتمع اللي كلو عقلللل ولا افظع من هيييك

وانشالله تتغير هالعقول مع الايام او نقدر نعلم جيل يفهم شوي ويقدر قيمة البنت و يحافظ عليها متل نور عيونو

بعتذررررررر طوووولت عليكن

كلامك درر

ولا غبار عليه ... ان شاء مع الايام نقدر نتخلص من عاداتنا البالية

ونطبق الدين بشكل صحيح لانو وقتا بس رح يكون في عدل وانصاف للطرفين

رح نكون افضل وارقى ..

شكرا لمرورك نووورتي

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف لوليا في 08/11/11, 01:33 am

الفتى النبيل كتب:كلامك درر نسمة هوا ++

ومرورك درر حسان

لوليا
اقتصادي فضي
اقتصادي فضي

انثى
السنة الدراسية : السنة الأولى
نبذة عنك : لو لم تكن الحياة حزينة لما ولدنا ونحن نبكي
مكان الإقامة : حمص
العمر : 24
عدد الرسائل : 1017

الرجوع الى أعلى الصفحة اذهب الى الأسفل

رد: لماذا أخطاء الشباب طيش وأخطاء الفتيات جريمة...؟؟؟؟؟!!!!

مُساهمة من طرف الفتى النبيل في 09/11/11, 02:50 am

لوليا كتب:
الفتى النبيل كتب:كلامك درر نسمة هوا ++

ومرورك درر حسان
ميرسي لوليا

الفتى النبيل
|Admin Team|
|Admin Team|

ذكر
السنة الدراسية : خريج جامعي
نبذة عنك : Green Hands forever
هوايتك : Catching VIGA Star
مكان الإقامة : Hama city
العمر : 27
عدد الرسائل : 5489

http://www.saaa-sy.org

الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى